"Azərbaycan dövləti həmişə güclü olmalıdır" - DEPUTAT

"2023-cü ildə dövlət büdcəsinin gəlirləri 30,7 milyard manat proqnozlaşdırılır. Bu rəqəm cari illə müqayisədə 5,2%, 2021-ci ilə nisbətdə isə 16,4% çox olacaq. Bu, ölkə tarixində ən yüksək göstəricidir".

Bu sözləri Sonxeber.az-a Milli Məclisin deputatı Bəhruz Məhərrəmov deyib.
Deputat onu da bildirib ki, eyni zamanda büdcəmizin qeyri-neft gəlirləri cari ildən 5,6%, 2021-ci illə müqayisədə isə 12,2% çoxdur:

"Bu, sadəcə statistika deyil, bu, ölkədə doğru idarəçiliyin nəticəsində bizim artan gücümüzün, artan iqtisadi imkanlarımızın ifadəsi olmaqla mürəkkəb bir periodda, İran və Ermənistanın timsalında qeyri-sağlam mövqeyə malik qonşuların mövcudluğu şəraitində davamlı qələbələrimizin qarantıdır. Çünki mövcudiyyətimizi qorumaq, dövlətçiliyimizi yaşatmaq, müstəqilliyimizi möhkəmlətmək üçün biz güclü olmağa məhkumuq. Azərbaycan dövləti həmişə güclü olmalıdır!"
AYSEL QULİYEVA

Telegramda izləyin