"Yeni Azərbaycan Partiyası dünənin, bu günün və gələcəyin partiyasıdır" - Deputat

"Yeni Azərbaycan Partiyası bu illər ərzində xalqın etimadını doğuruldaraq Ulu Öndər Heydər Əliyevin siyasi kursunu uğurla davam etdirir".

Bunu Sonxeber.az-a danışan deputat Aydın Hüseynov deyib.

Deputat vurğulayıb ki, Azərbaycanda siyasi partiyalar müstəqiliik əldə etdikdən sonra yaranmağa başlayıb:

"Yeni Azərbaycan Partiyasının yaranması o dövrdən xalqın tələbi və arzusudur. Bu illər ərzində Yeni Azərbaycan Partiyası cəmiyyətdə öz sosial dayaqlarını artıraraq, insanlara verilən vədi doğrultmaq keyfiyyətlərini nümayiş etdirərək, cəmiyyəti narahat edən problemlərin həllinin ən səmərəli yolunu müəyyənləşdirməklə vətəndaşlarda partiyaya inamının formalaşdırılması prosesini uğurla apara bilib. Bu gün əminliklə deyə bilərik ki, Yeni Azərbaycan Partiyası Heydər Əliyevin qoyduğu tarixi ənənələri sədaqətlə həyata keçirməkdədir. Bu gün bu tarixi reallıq uzaqgörən siyasəti və müdrik bacarığı ilə 30 illik işğala son qoyan Müzəffər Azərbaycan Ordusunun güclü Ali Baş Komandanı, Yeni Azərbaycan Partiyasının sədri cənab İlham Əliyev tərəfindən uğurla davam etdirilir. Məhz bu gün Azərbaycan xalqının partiyaya olan inamı və etimadı böyükdür. Bu inam və etibar nəticəsində bütün keçirilən seçkilərdə Yeni Azərbaycan Partiyası böyük səs çoxluğu ilə qalib gəlir".

Deputat vurğulayıb ki, Yeni Azərbaycan Partiyası dünənin, bu günün və gələcəyin partiyasıdır:

"Partiyanın 30 illik əsas fəaliyyət istiqaməti savadlı, vətənpərvər və gələcyi parlaq gənclərin yetişdirilməsidir. Bu gün çalışdığı sahədə uğur qanananların bir çoxu Yeni Azərbaycan Partiyasının onlar üçün yaratdığı şəraitdən yararlanan gənclərdir. Bu gün Yeni Azərbaycan Partiyasının Gənclər Birliyi tərfindən pulsuz dil kursları, biznesin inkişafı ilə bağlı müxtəlif seminarlar və proqramlar həyata keçirilir. Gənclərimiz bu seminarlarda iştirak edərək, proqramlardan yararlanaraq gələcəklərini arzuladıqları formada qura bilərlər".

Depuat söyləyib ki, yarandığı gündən YAP-ın Ümummilli lider Heydər Əliyev tərəfindən yaradılan və uğurla davam etdirilən əsas fəaliyyət istiqaməti Azərbaycanın dövlət müstəqilliyinin qorunub möhkəmləndirilməsi, ərazi bütövlüyünün təmin edilməsi, demokratik, hüquqi, dünyəvi cəmiyyətin qurulması, əmin-amanlıq, ictimai-siyasi sabitlik, milli həmrəylik, güclü və sosialyönümlü iqtisadiyyat yaratmaqdır:

"30 il ərzində Yeni Azərbaycan Partiyası bu məqsədlərinə nail olub. Bu gün artıq biz qalib ölkənin, qalib partiyasının üzvləriyik və bununla qürur duyuruq. 44 günlük Vətən müharibəsində düşmənə qan udduran gənclərimiz öz qanları ilə tarix yazdılar. Döyüş meydanında əldə edilən zəfərimizi bu gün biz diplomatik cəbhədə də davam etdiririk. Bu gün danışıqlar masasında yalnız Azərbaycanın tələbləri və Ali Baş Komandanımızın diktəsidir. Əlbəttə, bu üstünlüyümüzü davam etdirməkdə, hakim partiya olaraq, Yeni Azərbaycan Partiyasının üzərinə mühüm vəzifə və məsuliyyət düşür. 30 illik fəaliyyətə nəzər salsaq, əminliklə deyə bilərik ki, Vətən müharibəsində əldə etdiyimiz möhtəşəm zəfərdən sonra regionda yaranan yeni imkanlardan istifadə edərək YAP öz üzərinə düşən vəzifələri layiqincə yerinə yetirməklə Azərbaycanın növbəti tarixi və strateji naliyyətlər qazanmasında mühüm rol oynayacaq".

Aysel Yusifqızı

Telegramda izləyin