"Erməni xalqının istənilən seçimini dəstəkləyəcəyik" - Putin

"Biz erməni xalqının istənilən seçimini dəstəkləyəcəyik. Əgər erməni xalqı, rəhbərliyi hesab edirsə ki, Qarabağın özünəməxsus xüsusiyyətləri var və bu xüsusiyyətləri nəzərə almaq, gələcək sülh müqaviləsində müzakirə etmək lazımdır, bu da mümkündür. Amma sözsüz ki, bunu Azərbaycanla razılaşdırmaq lazımdır, razılaşmalar digər tərəf üçün də məqbul olmalıdır".

Sonxeber.az xəbər verir ki, bu sözləri Rusiya prezidenti Vladimir Putin "Valday" beynəlxalq diskussiya klubunun iclasında deyib.

"Rusiya uzun illərdir ki, Ermənistana Qarabağ məsələsində 5 rayonu Azərbaycana verməyi təklif edib, lakin Ermənistan öz bildiyi yol ilə gedib. Rusiya Yerevanla Bakı arasında sülh müqaviləsini, həmçinin sərhəddəki demarkasiya və delimitasiya prosesini dəstəkləyir.
Biz Ermənistana nəyisə diktə edə bilmərik və etməyə hazılaşmırıq. Əgər Ermənistan xalqı və rəhbərliyi hesab edirsə ki, sülh müqaviləsinin hansısa varinatını seçmək lazımdır, başa düşdüyüm qədər bu Vaşinqton planıdır. Hansı ki, Azərbaycanın Qarabağ üzərində suverenliyinin tanınmasını özündə əks etdirir. O zaman buyursunlar" ,- deyə prezident əlavə edib.

Şəbnəm Lətifi

Telegramda izləyin