"İndi Azərbaycan-Ermənistan arasında daimi sülh əldə etmək zamanıdır" - Qaro Paylan

Türkiyə Böyük Millət Məclisinin milliyətcə erməni deputatı Qaro Paylanın Ermənistana səfəri başa çatıb. O, səfər zamanı Azərbaycan-Ermənistan-Türkiyə üçün sülh mesajları verib.

Sonxeber.az xəbər ki, deputat bu barədə öz "Twitter" hesabında paylaşım edib.

"Ağrı dağının bu tərəfindən digər tərəfinə qayıdıram. İndi Türkiyə-Ermənistan sərhədini açıb Azərbaycan-Ermənistan arasında daimi sülh əldə etmək zamanıdır. Müharibələrdə hamımız birlikdə məğlub olduq. Daimi sülh üçün birlikdə məsuliyyət götürək, birlikdə qalib gələk" ,- deyə deputat qeyd edib.

Qeyd edək ki, Qaro Paylan parlamentdə Diyarbəkiri təmsil edən millət vəkilidir.
Şəbnəm Lətifi

Telegramda izləyin