"Microsoft Azerbaijan" şirkətinə kimlər rəhbərlik edib ?

Dünyaca məşhur Microsoft şirkəti günü-gündən inkişaf eləməyə davam edir. Microsoft şirkətinin məhsulları 45 dilə çevrilərək, 80 ölkədə satılır. Bu şirkətin hər ölkədə ofisi demək olar ki var.

"Microsoft Azerbaijan" şirkətinə kimlər rəhbərlik edib ?

Bu haqda Sonxeber.az-a Azərbaycan İnternet Forumunun prezidenti Osman Gündüz açıqlama verib.

"Microsoft-un Azərbaycan nümayəndəliyi 17 il fəaliyyət göstərib. Ofis rəsmi olaraq 2005-ci ildən fəaliyyətə başlayıb. Az qala 30 il bu sektorda olduğumdan, Microsoft-un Azərbaycan ofisinin Baş menecerləri haqqında xatırladıqlarımı təqdim edirəm :
1. 2005 - 2008, Volodimir Çaykovski, Ukrayna vətəndaşı olub,
2. 2008 - 2012, Teymur Axundov , hazırda Kanadada yaşadığı bildirilir
3. 2012 - 2016, Rüfət Hacıəlibəyov, hazırda Səhiyyə nazirinin rəqəmsallaşma üzrə müşaviridir
4. 2016 - 2019, Sərxan Həşimov, hazırda Dövlət Vergi Xidməti sistemində çalışır
5. 2019 - 2022, Qaçay Mirzəyev, hazırda işsizdir
6. 2022 - Ofisin əksər əməkdaşları işdən çıxarılıb.
Ofisin ölkədaxili fəaliyyəti dayandırılıb. Azərbaycanla bağlı məsələlər Microsoft-un kənar ofisləri tərəfindən idarə olunur.
Güman ki, ofisin hüquqi şəxs olaraq bağlanış prosedurlarını reallaşdırmaq üçün bir texniki əməkdaş təyin edilib".
AYSEL ƏKBƏR

Telegramda izləyin