Serbiya və Kosova münasibətləri normallaşdıracaq

Serbiya və Kosova avtomobil nömrələri ilə bağlı böhranla bağlı davam edən gərginliyi azaltmaq və münasibətləri normallaşdırmaq üçün razılığa gəliblər.
Sonxeber.az xəbər verir ki, Aİ-nin Xarici Əlaqələr və Təhlükəsizlik Siyasəti üzrə Ali Nümayəndəsi Cosef Borrell sosial mediada iki ölkə arasında razılaşmanı açıqlayıb.

Borrell elan edib ki, Kosova və Serbiyanın baş müzakirəçiləri Aİ-nin vasitəçiliyi ilə apardıqları danışıqlar nəticəsində gərginliyin daha da artmasının qarşısını almaq və əlaqələrin normallaşdırılması təklifi üzərində cəmləşmək barədə razılığa gəliblər.

Cosef Borrellin sözlərinə görə, Serbiya Kosova şəhərlərini simvolizə edən dövlət nömrə nişanlarının verilməsini dayandıracaq, Kosovo isə avtomobillərə lisenziya verilməsini yenidən dayandıracaq.

Serbiya Kosovada serblər üçün seriya nömrəsi çap edirdi. Kosova hökuməti cümə axşamından etibarən Serbiya tərəfindən verilmiş nömrələrdən istifadə edən sürücüləri cərimələməyi planlaşdırırdı. Belə lövhələrdən istifadə edənlərin sayının 10 min civarında olduğu təxmin edilir.

Serbiya 2008-ci ildə birtərəfli qaydada müstəqilliyini elan edən Kosovanı öz ərazisi hesab edir.

Şəbnəm Lətifi

Telegramda izləyin

instagramda izləyin