Balaca Aytəndən ŞAD XƏBƏR: Əməliyyat olundu - FOTO-VİDEO

Bir müddət öncə Gədəbəy rayonunun sakini, 7 yaşlı Qurbanova Aytən Şirin qızı üçün yardım aksiyasına start vermişdik. Uşaq anadangəlmə bud-çanaq oynağının hər iki tərəfli çıxığı xəstəliyindən əziyyət çəkib, axsayaraq yeriyib, onurğasında lordoz xəstəliyi var. Balaca Aytənin hər iki bud-çanaq oynağına implant qoyulub. Dünən xeyirxah insanların yardımı ilə uşağın artıq ikinci ayağı da əməliyyat olunub.

Sonxeber.az-a müraciət edən anası Yusifova Ülviyyə Sədaqət qızının sözlərinə görə, ailənin maddi imkanı olmadığından hər iki ayağın əməliyyatı üçün lazım olan 14 000 AZN məbləğində pul xeyirxah insanların yardımı ilə toplanıb.

Ailə media qurumları və şou-biz nümayəndələri daxil, bu işdə yardımı keçən hər bir kəsə, ümumilikdə bütün Azərbaycan xalqına dərin təşəkkürünü bildirir.

Ülviyyə xanım hazırda Aytənin vəziyyətinin yaxşı olduğunu deyir.

Natəvan Baxşiyeva

Telegramda izləyin