"5 min üzvü olmayan partiyanın Azərbaycanın siyasi səhnəsində nə işi var?" - Elman Nəsirov-MÜSAHİBƏ

İstiqamət: vətəndaş cəmiyyəti, hüquqi dövlət quruculuğu

"5 min üzvü olmayan partiyanın Azərbaycanın siyasi səhnəsində nə işi var? Sənin arxanda 5 min adam dayanmırsa, düşüncələrini, ideologiyanı 5 min nəfər paylaşmırsa, bu nə partiyadır?"

Bu sözləri Milli Məclisin deputatı Elman Nəsirov Sonxeber.az-a müsahibəsində deyib.
O həmçinin qeyd edib ki, Azərbaycanda partiyaların sosial bazasında ciddi problem var. Dedikləri və real gücləri arasında fərq var:

"İctimai rəy nəzərə alınaraq üzv sayı 10 000 -dən 5000-ə endirildi. Mənə elə gəlirdi ki, 10 min də normaldı. Mən dəfələrlə müxalifət partiyalarının rəhbərləri ilə debatda olmuşam. Onlar partiyalarını çox güclü kimi təqdim edirdilər. Deyirdilər ki, bizim üzvlərimiz 30 min, 40 min, 50 mindir.Mən də fikirləşdim ki, onlara problem olmamalıdır. Amma reallıqda başqa vəziyyətlə üz-üzə qaldıq.10 min məsələsini faciə ilə qarşıladılar. Azərbaycanda partiyaların sosial bazasında ciddi problem var. Dedikləri və real gücləri arasında fərq var. Ona görə də onların çağırışlarını, iradlarını, xahişlərini nəzərə alıb düzəliş olundu. İndi 5 min müəyyən olunub. Hesab edirəm ki, 5 min üzvü olmayan partiyanının Azərbaycanın siyasi səhnəsində nə işi var? Sənin arxanda 5 min adam dayanmırsa, düşüncələrini, ideologiyanı 5 min nəfər paylaşmırsa, bu nə partiyadır? Mən fikirləşirdim ki, partiyalar 10 min üzvün qalmasına qarşı olmayacaqlar.
Partiyaların bir çoxu kağız üzərindədir, qohum-ərqəbadan ibarətdir. Hətta kolleqalarımızdan biri maraqlı fikir söylədi. Partiya rəhbərinin həyat yoldaşı söyləyir ki, onun üzvləri biz qohum-əqrəbadan ibarətiksə, bu partiya nəyə lazımdır?".

Deputat həmçinin Naxçıvan Muxtar Respublikası və İran-Azərbaycan münasibətləri ilə bağlı sualları cavablandırıb:

Material Azərbaycan Respublikasının

dəstəyi ilə hazırlanmışdır.
Şəbnəm Lətifi

Telegramda izləyin