Razi Nurullayev: "Vahid Əhmədovun başına dubinka dəyməyib, mənim başıma dəyib" -VİDEOMÜSAHİBƏ

"Kimsə xalqın məhəbbətini qazanmaq istıyirsə, bunu başqalarını hədəf alıb özünü yaxşı göstərməklə etməməlidi. O insan o zaman bunu edə bilər ki, özü məşəqqətlər yaşamış olsun,dissedent həyatı sürsün, həbs olunsun , təzyiq olunsun, bir dəfə parlamentdən qovulsun, bir dəfə xaricə buraxılmasın, bir dəfə işdən çıxarılsın. Vahid Əhmədov həmişə ən yüksək yerlərdə oturub. Vahid Əhmədov bu günə kimi həbs olunmayıb, mən həbs olunmuşam . Vahid Əhmədovu heç vaxt hava limanından geri qaytarmayıblar, məni qaytarıblar. Vahid əhmədovu hava limanından düşəndə həbs etməyiblər, məni ediblər. Vahid Əhmədovun başına heç vaxt dubinka dəyməyib, mənim başıma aksiyada başıma dubinka dəyib. Amma dissident həyatı yaşamayan biri özünü yaxşı göstərəndə bu şouya bənzəyir".

Sonxeber.az xəbər verir ki, bu sözləri Milli Məclisin deputatı Razi Nurullayev Sonxeber.az- a müsahibəsində deyib.

Razi Nurullayev bildirib ki, Vahid Əhmədov özünü yaxşı deputat kimi təqdim edib, həmkarlarını söyüş hədəfinə çevirib.

"Vahid Əhmədovun dediklərini mən dəfələrlə səsləndirmişəm. Məndən əlavə digər deputatlar da səsləndirib. Azərbaycanda əmək haqqı, təqaüd aşağıdır. Bununla bağlı təkliflər verilib. Buna görə bizi nə asan olub, nə tənqid edən olub, nə də işimizi İntizam Komissiyasına çıxaran olub. Vahid Əhmədov özünü yaxşı deputat, digərlərini söyüş hədəfinə çevirib. O, maaş aldığı parlamentə saxta dedi. Mən başa düşmürəm bir insan öz oturduğu yeri halal olmayan yer hesab edirsə, orada necə oturur? O özü şüşə binada oturur. Şüşə binada oturan başqasına daş atmaz axı" ,- deyə o əlavə edib.

Deputat müsahibədə həmçinin parlamentdəki fəaliyyəti, Qarabağdakı vəziyyətlə bağlı sualları cavablandırıb.

Şəbnəm Lətifi

Telegramda izləyin