Polşa Almaniyadan1,3 trilyon avro təzminat istəyir

Polşa İkinci Dünya Müharibəsində Varşavanın verdiyi itkiləri kompensasiya etmək üçün Almaniyadan təzminat tələb edir.

Sonxeber.az xəbər verir ki, Polşa xarici işlər nazirinin müavini Arkadiuş Mularçik İkinci Dünya Müharibəsində Varşavanın verdiyi itkiləri kompensasiya etmək üçün Berlindən dialoqa doğru addım atacağını gözlədiyini bildirib.

"Səfərlərimin məqsədi həm də Polşa-Almaniya münasibətlərindəki çətin məsələlərdən danışmaqdır. Bunlar dialoq yolu ilə həll edilməlidir.Dünyanın iki qütblü bölünməsi İkinci Dünya Müharibəsindən sonra Polşa ilə Almaniya arasındakı məsələnin tənzimlənməsini qeyri-mümkün etdi. Müharibə nəticəsində ən böyük zərəri Polşa gördü" ,- deyə nazir müavini bildirib.

Bir qrup ekspertin apardığı araşdırmalar nəticəsində hazırlanan hesabatı xatırladan Mularçik 6,2 trilyon zloti (1,3 trilyon avro) zərərin olduğunu qeyd edib.

"Polşa dövləti dialoq gözləyir. Bu cür çətin məsələlər müzakirəsiz qalmamalıdır. Almaniyaya insana hörmət edən bir ölkə kimi yanaşmaq istəyir. Buna görə də onlar Polşa cəmiyyətinə təsir edən vəziyyətlə üzləşməlidirlər" ,- deyə Polşa parlamentinin Almaniyanı demoqrafik və maddi itkilərə görə məsuliyyəti öz üzərinə götürməyə çağırdığını qeyd edib.

Hakim mühafizəkar millətçi Hüquq və Ədalət Partiyasının lideri Yaroslav Kaçinski Berlində İkinci Dünya Müharibəsi təzminatları məsələsinin gündəmə gətirilməsinə qərar verildiyini bildirib.

Şəbnəm Lətifi

Telegramda izləyin