Öskürək səsindən pnevmoniyanı tanıyan süni intellekt yaradılıb

Alimlər öskürək səslərini dinləməklə pnevmoniyanı tanıyan süni intellekt proqramı hazırlayıblar.
Sonxeber.az xəbər verir ki, Cənubi Koreyanın Hanyang Universitetinin tədqiqatçısı Cin Yong Con və onun komandası süni intellekt yetişdirmək üçün pnevmoniya diaqnozu qoyulmuş insanların səsindən istifadə edib.

Təcrübədə hər otağın və qeyd aparatının fərqli olmasına diqqət yetirilib. Beləliklə, süni intellektə otaqların akustikasında və qeyd cihazlarında edilən texniki dəyişikliklər təsir göstərməyəcəkdi.

Buradan əldə edilən məlumat öskürək səsləri ilə birləşdirildikdə, süni intellektin istənilən mühitdə pnevmoniyanı tanıya biləcəyi görüldü.

Komanda araşdırmanın nəticələrini dekabrın 5-də Amerika Akustika Cəmiyyətinin 183-cü iclasında təqdim edib.

Pnevmoniya dünyada ən çox yayılmış ölüm səbəblərindən biridir. Pnevmoniya kimi də tanınan xəstəlik uşaqlara, yaşlılara və xəstəxanaya yerləşdirilən insanlara təsir göstərir.

İmmuniteti zəif olan bu insanların pnevmoniyadan xilas olması üçün erkən diaqnoz və müalicə çox vacibdir.

Ancaq mövcud diaqnostik üsullara bir sıra qan testləri və rentgenoqrafiya daxildir. Bunları etməzdən əvvəl həkim xəstəni üz-üzə müayinə etməli və pnevmoniyadan şübhələnməlidir.

Uzaqdan yoxlamalar üçün də mühüm inkişaf.

Buna görə də Cin və komandası hesab edirlər ki, onların hazırladıqları süni intellekt kommersiyaya təqdim olunduğu zaman diaqnoz və müalicə üsullarında böyük fərq yaradacaq.

Bununla belə, bu texnologiyanın təsiri yalnız erkən diaqnoz üçün deyil, həm də uzaqdan müayinə üçün çox vacib ola bilər.

"Öskürək səsləri haqqında məlumat vasitəsilə xəstəliyin avtomatik diaqnozu, üz-üzə edilə bilməyən müalicəni də asanlaşdıracaq" ,- deyə Cin deyib.

Komandanın sözlərinə görə, artıq bir şirkət bu alqoritmi xəstələrin uzaqdan idarə edilməsi üçün tətbiq etmək istəyir.

Komanda həmçinin evdə qulluq xəstələrinin nəzarəti üçün funksional olmasını istəyir və istifadəsini asanlaşdırmağı hədəfləyir.

Şəbnəm Lətifi

Telegramda izləyin