Zelenski Rusiyanı Milad bayramında qoşunlarını Ukrayna ərazisindən çıxarmağa çağırıb

Ukrayna prezidenti Vladimir Zelenski Rusiyanı qarşıdan gələn Milad bayramı ilə əlaqədar qoşunlarını Ukrayna ərazisindən çıxarmağa çağırıb.

Sonxeber.az xəbər verir ki, Zelenski Almaniyanın dönəmli sədri olduğu G7 ölkələrinin liderlərinin iştirakı ilə keçirilən onlayn iclasda iştirak edib.

Zelenski, Milad bayramının yaxın günlərdə bütün dünyada qeyd ediləcəyini xatırladıb.

"Bu Milad bayramı normal insanların müharibə haqqında deyil, sülh haqqında düşündüyü vaxtdır. Mən təklif edirəm ki, Rusiya ən azı təcavüzdən əl çəkə biləcəyini sübut etməyə çalışsın. Rusiya qoşunlarının beynəlxalq səviyyədə tanınmış Ukrayna ərazisindən çıxarılmasına başlamaq düzgün olardı. Bu Milad bayramında Rusiya öz qoşunlarını Ukraynadan çıxarsa, münaqişələrin etibarlı şəkildə dayandırılması təmin olunacaq" ,- deyə Ukrayna prezidenti deyib.

O həmçinin müharibə davam etdiyi üçün Ukraynanın güclü həmrəyliyə ehtiyacı olduğunu deyib:
"Hamınızdan gələn il həmrəyliyi davam etdirməyi xahiş edirəm. Rusiya təcavüzünü davam etdirir və bu səbəbdən Ukraynaya dəstək davam etdirilməlidir" .

Rusiyanın Ukrayna ilə müqayisədə daha çox raket və artilleriya sistemlərinə sahib olduğuna deyən Zelenski ölkəsinə silah yardımının artırılması lazım olduğunu bildirib:

"Ukraynanın müasir tanklara ehtiyacı var və mən sizdən bu müdafiə imkanını təmin etməyinizi xahiş edirəm. Ukraynanın daimi artilleriya sistemlərinə, silahlara və mərmi dəstəyinə ehtiyacı var".

Zelenski qısa müddət əvvəl İndoneziyada keçirilən G20 Sammitində sülh üçün 10 bənddən ibarət "Ukrayna Formulasını" təklif etdiyini xatırladıb.

Şəbnəm Lətifi

Telegramda izləyin