"Laçın yolu yalnız humanitar məqsədlər üçün istifadə edilməlidir" - Ayxan Hacızadə

"Laçın yolu Ermənistan tərəfindən istehsal olunan minaların qeyri-qanuni ötürülməsi, Azərbaycanın mineral ehtiyatlarının qeyri-qanuni istismarı üçün deyil, üçtərəfli bəyanatda razılaşdırıldığı kimi yalnız humanitar məqsədlər üçün istifadə edilməlidir".

Sonxeber.az xəbər verir ki, bu sözləri Xarici İşlər Nazirliyinin mətbuat katibi Ayxan Hacızadə öz Tvitter hesabında yazıb.

"Bizim dövlət siyasətimiz çox aydındır. Qarabağ yaşayan ermənilər bundan sonra da Azərbaycan vətəndaşları ilə eyni hüquqlara malik olacaqlar və Azərbaycan cəmiyyətinə yenidən inteqrasiya olunacaqlar. Bu, Azərbaycan Konstitusiyasında təmin olunub.
Ermənistanın "etnik təmizləmə" iddiaları yalandır. Laçın yolundan mülki əhalini hədəf alan silah və minaların daşınması üçün qəsdən istifadə edildiyi halda, yolların bağlanmasını "soyqırım"ın sübutu kimi dəyərləndirmək olmaz" ,- deyə o əlavə edib.

Qeyd edək ki, Rusiya sülhməramlılarının nəzarətində olan Şuşa-Xankəndi yolunda QHT nümayəndələri, ekofəallar və könüllülərin iştirakı ilə keçirilən etiraz aksiyası üç gündür davam edir.

Şəbnəm Lətifi

Telegramda izləyin