ABŞ Azərbaycanı Laçın dəhlizini açmağa çağırıb

Amerikanın Bakıda Səfirliyi Azərbaycanı Laçın dəhlizini açmağa çağırıb.

Sonxeber.az xəbər verir ki, bu barədə ABŞ-ın Azərbaycandakı Səfirliyinin rəsmi səhifəsi paylaşım edib.

"Laçın dəhlizinin bağlanmasının ciddi humanitar təsirləri var və sülh prosesini ləngidir. Biz Azərbaycan hökumətini dəhliz boyu sərbəst hərəkəti bərpa etməyə çağırırıq. Gələcəyə yol danışıqlardan keçir" ,- deyə bəyanatda bildirilib.

Qeyd edək ki, Laçın dəhlizi Azərbaycanın mineral ehtiyatlarının qeyri-qanuni istismarı əsas gətirilərək bağlanılıb.Rusiya sülhməramlılarının nəzarətində olan Şuşa-Xankəndi yolunda QHT nümayəndələri, ekofəallar və könüllülərin iştirakı ilə keçirilən etiraz aksiyası üç gündür davam edir.

Şəbnəm Lətifi

Telegramda izləyin