"Rus sülhməramlıları Laçın dəhlizində üzərlərinə düşən vəzifəni yerinə yetirirlər" - Mariya Zaxarova

"Rusiya sülhməramlıları Laçın dəhlizinə nəzarətlə bağlı üzərinə düşən vəzifələri yerinə yetirirlər".
Sonxeber.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova mətbuat konfransında Ermənistanın baş naziri Nikol Paşinyanın Rusiya sülhməramlılarının öz öhdəliklərini yerinə yetirməməsi ilə bağlı bəyanatına cavab olaraq deyib.

"Mən bunun əksini deyə bilərəm, Rusiya sülhməramlıları öz missiyasını yerinə yetirirlər. Tədbirlər görülür, işlər görülür. Xəbəri olmayanlara xatırlatmaq istərdim ki, əvvəllər də çoxsaylı eskalasiyalar və problemlər olub, tərəflər bir-birini ittiham ediblər. Vəziyyəti sabitləşdirmək üçün hər şeyi edən Rusiya sülhməramlıları olub. Sülhməramlılarımıza belə münasibət qəbul olunmur", - deyə Zaxarova bildirib.

Kremlin sözçüsü Dmitri Peskov da məsələyə münasibət bildirib. Onun sözlərinə görə, Rusiya sülhməramlıları çalışdıqları ərazidə sülh və asayişin təmin olunması üçün əlindən gələni edir.

Şəbnəm Lətifi

Telegramda izləyin