"Ermənistan Azərbaycana sülh müqaviləsi təklif edib, müsbət cavab gözləyir" - Paşinyan

"Ermənistan Azərbaycana sülh müqaviləsi ilə bağlı təkliflərini çatdırıb və bu məzmunda onu imzalamağa hazırdır".

Sonxeber.az xəbər verir ki, bu sözləri Ermənistanın Baş nazir Nikol Paşinyan Nazirlər Kabinetinin iclasında deyib.

"Ermənistan Respublikası Azərbaycana sülh müqaviləsi ilə bağlı təkliflərini çatdırıb və biz bu məzmunda müqaviləni imzalamağa hazırıq. Ümid edirəm ki, Azərbaycanın da reaksiyası müsbət olacaq", - deyə Paşinyan bildirib.

O əlavə edib ki, Ermənistan da bir neçə ay əvvəl delimitasiya və sərhəd təhlükəsizliyi komissiyasının gələcək işi ilə bağlı təkliflərini Azərbaycana çatdırıb, lakin Ermənistana indiyədək heç bir cavab verilməyib.

"Ermənistan Azərbaycana regional əlaqələrin yenidən açılması ilə bağlı təkliflərini çatdırıb və bu yolda məsələnin dərhal həllinə doğru irəliləməyə hazırdır. Ermənistan aylar əvvəl Azərbaycana sərhəd təhlükəsizliyinin təmin edilməsi ilə bağlı təkliflər vermişdi, lakin bu günə kimi cavab almamışıq" ,- deyə o qeyd edib.

Şəbnəm Lətifi

Telegramda izləyin