Ermənistan sülh sazişinin hazırlanması ilə bağlı görüşdə iştirakdan imtina edib

Ermənistan Azərbaycan və Ermənistan xarici işlər nazirlərinin sabah Moskvada sülh sazişinin hazırlanması üçün keçirilməsi planlaşdırılan görüşündə iştirakdan imtina edib.

Sonxeber.az xəbər verir ki, bu barədə Rusiya Xarici İşlər Nazirliyi məlumat yayıb.
Rusiya Xarici İşlər Nazirliyindən verilən yazılı açıqlamaya görə, Rusiya xarici işlər naziri Sergey Lavrov və Azərbaycanın xarici işlər naziri Ceyhun Bayramov arasında telefon danışığı olub.

Laçın dəhlizinin bağlanması ilə əlaqədar Rusiya sülhməramlı bölməsinin məsuliyyəti altında olan regionda vəziyyət və regionda faydalı qazıntı yataqları ilə bağlı işlərlə bağlı tərəflər arasında fikir ayrılıqları müzakirə edilib.

"Dağlıq Qarabağ və Ermənistan arasında Laçın dəhlizində maneəsiz əlaqənin təmin edilməsinə dair üçtərəfli sazişlərə ciddi əməl edilməlidir",- deyə Rusiyanın xarici işlər naziri Lavrov vurğulayıb.

Görüşdə Rusiya, Azərbaycan və Ermənistan liderlərinin 2020, 2021 və 2022-ci illərdə qəbul etdikləri bəyannamələrin həyata keçirilməsinin vacibliyi vurğulanıb.

Şəbnəm Lətifi

Telegramda izləyin