Yaponiyada güclü qar nəticəsində 8 nəfər ölüb

Yaponiyanın müxtəlif bölgələrində yağan güclü qar nəticəsində baş verən fəlakət və qəzalarda 8 nəfər ölüb, 45 nəfər yaralanıb.

Sonxeber.az xəbər verir ki,NHK dövlət televiziyasının məlumatına görə, qar yağışı həftəsonundan başlayaraq şimal və qərb bölgələrinə təsir edir.

Yanğın və Fəlakətlərin İdarə Olunması Agentliyinin (Şoboço) açıqlamasına görə, ölkə daxilində güclü qar yağması nəticəsində baş verən təbii fəlakət və qəzalarda 8 nəfər ölüb, 45 nəfər isə yaralanıb.

Qar yağması və sürətli qatarların hərəkətində fasilələr səbəbindən elektrik enerjisi kəsilib.

Meteorologiya rəsmiləri Şimane, Xirosima, Koçi və Hokkaydo bölgələrində qar qalınlığının mövsüm normalarının üzərində olduğunu və qarın davam edəcəyini qeyd edib.

Magistral yollarda 30 kilometrə yaxın tıxac yaranıb.

Yağıntıların intensiv olduğu Yapon dənizi (Şərq dənizi) ilə həmsərhəd ştatlarda əsas ərzaqların əvvəlcədən tədarükü və zərurət olmadıqca çölə çıxmamağa çağırış edilib.

Şəbnəm Lətifi

Telegramda izləyin