Apple işçiləri maaşların artırılması tələbi ilə tətilə çıxıblar

ABŞ-ın texnologiya nəhəngi Apple şirkətinin Avstraliyadakı əməkdaşları iş şəraitinin yaxşılaşdırılması və maaşların artırılması tələbi ilə bu gün tətilə çıxıblar. Bu Apple-ın Milad və Yeni il satışlarını azalda bilər.
Sonxeber.az xəbər verir ki, Avstraliyanın Pərakəndə və Fast Food İşçiləri Həmkarlar İttifaqı (RAFFWU) bu ay dekabrın 23-də ölkədəki bütün Apple mağazalarında yerli vaxtla saat 15:00-da tətilə başlayacağını və tətili Milad ərəfəsinə qədər davam etdirəcəyini açıqlayıb.

Avstraliyadakı tətil, Apple-ın Çindəki əsas iPhone fabrikində işçilərin həddindən artıq sərt koronavirus tədbirlərinə və fabrikdəki məhdudiyyətlərin zəif idarə olunmasına etiraz edərək istehsalı pozmaq riski ilə üzləşdikdən qısa müddət sonra baş verdi.

Tətilə rəhbərlik edən RAFFWU, şirkətin səkkiz il əvvəl imzalanmış müqaviləyə görə işçilərə həftə sonu məzuniyyəti, ardıcıl istirahət günləri, sabit növbə siyahısı, sabit iş günləri, növbələr arasında 12 saatlıq fasilələr və əlavə iş haqqı vermədiyini iddia edir.

Şəbnəm Lətifi

Telegramda izləyin