Rusiyada qocalar evində yanğın nəticəsində 20 nəfər ölüb

Rusiyanın Kemerovo şəhərində qocalar evində baş verən yanğın nəticəsində 20 nəfər ölüb.

Sonxeber.az xəbər verir ki, Rusiyanın Kemerovo şəhərində qocalar evində gecə saatlarında yanğın baş verib. Bölgəyə Rusiya Fövqəladə Hallar Nazirliyinin yanğınsöndürmə və xilasetmə dəstələri göndərilib.

Qısa müddətdə alov böyüdüyündən 80-dən çox canlı qüvvə və 28 texnika alovu söndürə bilib. Nazirlikdən verilən məlumata görə, qocalar evində 20 nəfər həyatını itirib, 2 nəfər yaralanıb, 4 nəfər isə xilas edilib. Yaralılara xəstəxanalarda tibbi yardım göstərilib.

Kemerovo Rayon Prokurorluğu yanğınla bağlı araşdırma aparıb. İki mərtəbəli binanın birinci mərtəbəsində mağazalar olduğu, 180 kvadratmetr sahəsi olan yuxarı mərtəbədə yaşlıların yaşadığı bildirilib.

Qocalar evinin qeyri-qanuni fəaliyyət göstərdiyi və daha əvvəl yanğınsöndürənlərin binaya baxış keçirmək üçün getdiyi, lakin şəxsi mülk olduğu əsas gətirilərək heç kimin yoxlama üçün binaya daxil ola bilmədiyi bildirilib.

Şəbnəm Lətifi

Telegramda izləyin