Nigeriyada keşiş evi yandırdıqdan sonra öldürülüb

Nigeriyanın şimalındakı Niger əyalətində evi yandırılan katolik keşiş ölüb.

Sonxeber.az xəbər verir ki, polisin sözçüsü Vasiu Abiodun silahlı şəxslərin Paikoro rayonunda Müqəddəs Peter və Paul Katolik Kilsəsinin keşişi İsaak Açinin evini yandırdığını bildirib.

Abiodun bildirib ki, Açi hadisə yerində ölüb, başqa bir keşiş Baba Kollinz isə qaçmağa çalışarkən arxadan açılan atəş nəticəsində yaralanıb.

Polis hücum edənləri tutmaq üçün əməliyyata başlayıb.

Niger adam oğurluğu və quldurluq səbəbindən təhlükəsizlik təhdidlərinin sıx olduğu dövlətlərdən biri kimi tanınır.

Fevralda keçiriləcək prezident seçkiləri öncəsi ölkədə silahlı hücumlar artıb.

Şəbnəm Lətifi

Telegramda izləyin