Kolumbiyada güclü yağışlar nəticəsində 2 nəfər ölüb

Kolumbiyanın Antioquia inzibati bölgəsində güclü yağışların səbəb olduğu torpaq sürüşmələrində 2 nəfər ölüb, 23 nəfər yaralanıb.

Sonxeber.az xəbər verir ki, ölkənin ikinci böyük şəhəri Medellində təsirli olan leysan yağışlar sel və torpaq sürüşməsinə səbəb olub.

Saatlarla davam edən leysan yağışda su altında qalan avtomobildə 2 nəfər ölüb, 23 nəfər isə yaralanıb.

Gecə boyu axtarış-xilasetmə işləri aparan qruplar çox sayda insanı qapalı qaldıqları yerdən xilas edib.

Sosial şəbəkələrdə yayılan görüntülərdən görünür ki, yüzlərlə evi su basıb, şəhərə külli miqdarda ziyan dəyib.

Kolumbiyada hər il güclü yağışlar nəticəsində daşqınlar və torpaq sürüşmələri çoxlu sayda insanın ölümünə və ciddi dağıntılara səbəb olur.

Şəbnəm Lətifi

Telegramda izləyin