ŞOK edən "Choking Challenge" trendi 12 yaşlı qızın canını aldı - FOTO

Sosial şəbəkələrdə yayılan və huşunu itirənədək nəfəsi saxlamaqdan ibarət olan "Chocking Challenge" 12 yaşlı argentinalı Milaqros Sotonun həyatına son qoyub.

BiG.AZ xəbər verir ki, bu barədə "Jam Press" yazır.

Belə ki, trendə qoşulmaq istəyən qız öz otağından asdığı ipi başına keçirib və nəfəsini saxlayıb. Bunu üç dəfə edib, lakin üçüncüdə vaxtında ipi çəkə bilmədiyi üçün boğularaq ölüb.

Onun bibisi Laura Luqunun sözlərinə görə, uşağı bu işə məktəbdəki dostları təşviq edib.

Mütəxəssislər "Boğulma Çellenci" ilə bağlı xəbərdarlıq ediblər. Onların sözlərinə görə, huşunu itirənə qədər nəfəsi saxlamaq beyin zədələnməsi və hətta ölümlə nəticələnə bilər.

Təəssüf ki, Soto bu trendin yeganə qurbanı deyil. Daha öncə də 14 yaşlı ingiltərəli Leon Braun və 12 yaşlı Arçi Battersbi bu axmaq çellenc nəticəsində ölüblər.

Telegramda izləyin