"Polad Ələmdar" onunla QAYIDIR: "Kurtlar Vadisi Kaos"un BU KANALDA yayımlanacaq - VİDEO

Xəbər verdiyimiz kimi, Türkiyənin məşhur seriallarından olan və Azərbaycanda da maraqla izlənilən "Kurtlar Vadisi" yanvar ayında geri dönür. Bu müjdəni serialın baş qəhrəmanı, "Polat Alemdar" obrazını canlandıran Necati Şaşmaz bir neçə ay öncə "TRT Müzik"in efirində qonaq olarkən vermişdi. O, seriala verilən uzun fasilənin səbəbini belə açıqlamışdı: "Mən "Kurtlar Vadisi"nin 397 bölümündə oynadım. Ömrümün 20 ili "Kurtlar Vadisi" ilə keçdi. Dəyərli, amma bir o qədər də yorucu iş idi. Bu səbəbdən bir az fasilə verməyi düşündük. Seriala yenidən tələbat yarandı. Nəsib olsa, olacaq".

BiG.AZ türk mətbuatına istinadən xəbər verir ki, artıq serialın yeni bölümlərinin yayımlanacağı kanalın adı bəlli olub.

Belə ki, "Kurtlar Vadisi Kaos" Türkiyədə iyun ayında istifadəyə verilən və o zamandan abunəçilərinin sayında sürətli artım olan, ABŞ mərkəzli "Disney Plus" onlayn film və serial platformasında yayımlanacaq.

Yaxın zamanda çəkilişlərdən ilk görüntülərin də paylaşılacağı bildirilir.

Yeni bölümlərdə məşhur aktyor Kənan İmirzalioğlunun da rol alacağı iddia edildiyi halda, "İskender Büyük" obrazı ilə tanınan Musa Uzunların serildan ayrıldığı qeyd olunur.

Telegramda izləyin