Yaponiyada qar səbəbindən 280 reys təxirə salınıb

Yaponiyanın böyük hissəsini təsir edən güclü qar və külək səbəbindən 280 reys təxirə salınıb.
Sonxeber.az xəbər verir ki, Yaponiya Meteorologiya Agentliyi temperatur dəyərlərinin mənfi 12 dərəcəyə düşəcəyini və son 10 ilin ən soyuq günlərinin bir çox bölgədə yaşanacağını açıqlayıb.
Bu gündən etibarən Yaponiyanın böyük bölgələrində başlayan soyuq hava dalğası güclü qar və külək gətirib.

Qarın qalınlığı bir çox bölgədə, xüsusilə Kokkaydo, Naqano, Okayama və Tottoridə 10 santimetri keçsə də, hava şəraiti həyata mənfi təsir edib. Ölkə üzrə 280 aviareys ləğv edilib. Bir çox magistral yollar buzlanma təhlükəsi səbəbindən müvəqqəti olaraq nəqliyyatın hərəkətinə bağlanıb.
Yerli hakimiyyət orqanları donmuş su borularına görə suyun kəsilməsinə və elektrik enerjisinin verilişində yarana biləcək fasilələrə hazır olmağa, eyni zamanda güclü qar yağan ərazilərdə qeyri-vacib səyahətlərdən çəkinməyə çağırıb.

Şəbnəm Lətifi

Telegramda izləyin