Rusiya Ermənistan və Azərbaycan XİN rəhbərlərinin növbəti görüşünü təşkil etməyə hazırdır

Rusiya Ermənistan və Azərbaycan xarici işlər nazirləri arasında sülh müqaviləsi üzrə danışıqların növbəti mərhələsini Moskvada təşkil etməyə hazırdır.

Sonxeber.az Rusiya Federasiyası Xarici İşlər Nazirliyinin saytına istinadən xəbər verir ki, bu barədə Rusiya və Azərbaycanın xarici işlər nazirləri Sergey Lavrov və Ceyhun Bayramov arasında telefon danışığı zamanı qeyd olunub.

"Nazirlər Laçın dəhlizi ətrafında vəziyyətin tənzimlənməsi yollarını müzakirə ediblər. Rusiya, Ermənistan və Azərbaycan liderlərinin üçtərəfli razılaşmaları əsasında Ermənistan-Azərbaycan münasibətlərinin normallaşdırılması işinin bütün vasitələrlə bərpa olunmasının vacibliyi vurğulanıb. Rusiya tərəfi Moskvada Ermənistan və Azərbaycan arasında sülh müqaviləsi məsələsi üzrə iki ölkənin xarici işlər nazirləri arasında danışıqların növbəti mərhələsini təşkil etməyə hazır olduğunu təsdiqləyib", - deyə məlumatda bildirilir.

Şəbnəm Lətifi

Telegramda izləyin