Rusiya Qərbi Ermənistan-Azərbaycan razılaşmasını pozmaqda ittiham edir

Rusiya Xarici İşlər Nazirliyinin sözçüsü Mariya Zaxarova Qərbi Ermənistan-Azərbaycan razılaşması istiqamətində səyləri pozmaqda ittiham edib.

Sonxeber.az xəbər verir ki, Zaxarova ABŞ Dövlət Departamentinin Rusiyanı ATƏT-in Minsk Qrupu çərçivəsində Ermənistan-Azərbaycan münaqişəsinin nizamlanması səylərini pozmaqda ittiham edən bəyanatına reaksiya verib.

"Əgər kimsə Ermənistan-Azərbaycan münaqişəsinin nizamlanması səylərini relsdən çıxarıbsa, deməli, o, ABŞ-ın başçılıq etdiyi Qərb dövlətlərinin özləridir. Rusiya və Fransa həmsədrləri 2022-ci ilin fevralında uydurma bəhanə ilə rusiyalı həmkarları ilə əməkdaşlığı dayandırdıqdan sonra ATƏT-in Minsk Qrupu formatı tarixin kül yığınına düşüb", - deyə Zaxarova bildirib.

"Bunu nəzərə alaraq, biz bir çox hallarda haqqında danışdığımız ən yüksək səviyyədə müvafiq razılaşmalar əsasında üçtərəfli formatlar çərçivəsində İrəvan və Bakıya dəstəyin göstərilməsinə yönəlmişik", - deyə XİN sözçüsü əlavə edib.

Zaxarova bildirib ki, Rusiya Xarici İşlər Nazirliyi Ermənistan-Azərbaycan nizamlanmasında Amerika vasitəçiliyinin real addımlar ola biləcəyini və ya hər hansı əlavə dəyər daşıya biləcəyinə inanmır.

Şəbnəm Lətifi

Telegramda izləyin