Çin əcnəbilər üçün turist və səyahət vizasını bərpa edir

Çinin xaricdəki səfirlikləri yenidən xarici vətəndaşlara turist vizası və digər növ səyahət vizaları verməyə başlayacaq.

Sonxeber.az xəbər verir ki, Çin Xarici İşlər Nazirliyinin Konsulluq İşləri İdarəsindən verilən açıqlamada, səfirliklər, konsulluqlar və gömrükdəki viza idarələrinin Kovid-19 epidemiyasının başlanğıcında dayandırılan viza prosedurlarına yenidən başlayacağı bildirilib.

Açıqlamada turist vizaları və müvəqqəti tranzit vizaları da daxil olmaqla bütün növ vizalar üçün müraciət və təsdiqlərin qəbulunun bərpa ediləcəyi bildirilib və viza prosedurlarının dayandırıldığı 28 mart 2020-ci ilə qədər verilən vizaların, də qüvvədə qalacaq.

Açıqlamada, gömrükdən müvəqqəti tranzit üçün verilən vizalarda səfər səbəbinin qanuniliyinə aidiyyatı qurumların qərar verəcəyi vurğulanıb.

Həmçinin ölkənin cənubundakı Haynan adasına, Honq-Konq və Makao Xüsusi İnzibati Bölgələrindən Quanqdonq əyalətinə qrup səfərləri üçün vizasız girişin təmin ediləcəyi bildirilib.

Çin, COVID-19 epidemiyasının başlamasından sonra 2020-ci ilin mart ayında sərhədlərini xarici dünyaya bağladı və bütün vizaları dayandırdı.

8 yanvar 2023-cü il tarixində ölkə COVID-19-a "A kateqoriyalı epidemiya" kimi yanaşmağı dayandırdı, Sərhəd Sağlamlığı və Karantin Aktı ilə tətbiq edilən tədbirləri və məhdudiyyətləri ləğv etdi və sərhədlərini yenidən açdı.

Telegramda izləyin