Kadırovdan ilginc AÇIQLAMA: "Putinə Nobel mükafatı verilməlidir!"

"Rusiya prezidenti Vladimir Putinin Nobel mükafatına namizədliyi irəli sürülməli idi".

Bunu Çeçenistan rəhbəri Ramzan Kadırov deyib. O, səbəb kimi Putinin Ukrayna ilə münaqişəyə görə donbaslı uşaqları Rusiyaya qəbul etməsini göstərib.

Beynəlxalq Cinayət Məhkəməsinin Rusiya prezidentinin həbsinə order verməsi ilə bağlı qərarını şərh edən Kadırov bunları qeyd edib:

"Məlum olur ki, uşaqlar da daxil olmaqla, Donbass sakinləri Ukrayna Silahlı Qüvvələrinin bombaları altında ölməli və heç bir halda təhlükə zonalarını tərk etməməlidirlər. Bu mənim bəyanatım deyil, Haaqa Beynəlxalq Cinayət Məhkəməsi belə hesab edir. Halbuki bu uşaqlara görə siz Vladimir Vladimiroviçi Nobel Sülh Mükafatına namizəd kimi təqdim etməli idiniz. Onsuz da biz Rusiyada donbaslı uşaqlara sığınacaq vermişik, yedizdirmişik və onları məktəblərə göndərmişik".

Kadırov həmçinin bildirib ki, Beynəlxalq Ədalət Məhkəməsi artıq müstəqil statusa malik deyil.

Qeyd edək ki, ötən gün Haaqa Beynəlxalq Cinayət Məhkəməsi Rusiya Prezidenti Vladimir Putinin və Rusiya Prezidenti yanında uşaq hüquqları üzrə səlahiyyətli şəxs Mariya Alekseyevna Lvova-Belovanın həbsinə order verib. Məhkəmənin qərarında "Rus əsgərinin Ukraynada törətdiyi hərbi cinayətlərə görə Putinin məsuliyyət daşıdığı" qeyd olunub./Xeberoxu

Telegramda izləyin