"Fazil Mustafaya hücumda məqsəd Azərbaycanda sabitliyin artıq mövcud olmadığı fikrini yaratmaqdır" - Bəhruz Məhərrəmov

"Fazil Mustafanın niyə hədəf seçilməsi ilə bağlı nəsə demək doğru olmaz. Amma istintaqın gedişatında bu aydın olacaq.
Azərbaycanda hər bir vətəndaşın təhlükəsizliyi yüksək səviyyədə qorunur. İctimai təhlükəsizlik tam nəzarətdədir. Bu kimi ayrı-ayrı hallar vətəndaşların təhlükəsizliyinin səthi olması barədə danışmağa əsas vermir".
Bu sözləri Milli Məclisin deputatı Bəhruz Məhərrəmov Sonxeber.az-a həmkarı Fazil Mustafanın güllələnməsi ilə bağlı danışarkən deyib.

Deputat qeyd edib ki, Fazil Mustafaya hücum Azərbaycanın ən qiymətli mirası olan sabitliyin artıq mövcud olmadığı fikrini yaratmaqdır:

"Belə hallar hər yerdə var. Bu cür çirkin əməllərə əl atanların məqsədi Azərbaycanın ən qiymətli mirası olan sabitliyin artıq mövcud olmadığı fikrini yaratmaqdı. Amma bunlar boş istəklərdir. Azərbaycan təhlükəsizlik orqanları yüksək səviyyədə Azərbaycan xalqının sabitliyinin keşiyindədir".

Şəbnəm Lətifi

Telegramda izləyin