"Ölkəmizin milli təhlükəsizliyinə zərbə vurmaq istəyən qüvvələrə qarşı ciddi addımlar atılacaq"- DEPUTAT

"Azərbaycanda sabitliyi pozmağa çalışan və qarşıdurma yaratmaq istəyən hər kəs öz layiqli cəzasını alacaq".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, Azərbaycan hüquq-mühafizə orqanları bu işləri çox yüksək peşəkarlıqla görürlər:

"44 günlük Vətən müharibəsindən sonra Azərbaycanda sabitliyi pozamaq istəyən xarici qüvvələr aktivləşib. Onların məqsədi insanlarımızı qorxutmaq və xof yaratmaqdır. Deputat həmkarımıza qarşı sui-qəsd təşkil etməkdə şübhəki bilinən şəxslərin qısa müddət ərzində saxlanılması bir daha sübut etdi ki, Azərbaycan daxili işlər orqanları o cümlədən digər xüsusi xidmət orqanlarımız hər zaman ayıq-sayıqdır. Daxili işlər Nazirliyinin son günlər həyata keçirdiyi əməliyyat tədbirləri nəticəsində törədilən bir çox cinayətlər "isti izlər"lə açılıb. Bundan sonra da ölkəmizin milli təhlükəsizliyinə zərbə vurmaq istəyən bütün qüvvələrə qarşı ciddi addımlar atılacaq. Onların planları iflasa uğrayacaq. Cənab prezident cənab İlham Əliyevin rəhbərliyi ilə Azərbaycan öz milli maraqlarına uyğun, müstəqil siyasətini bundan sonra da davam etdirəcək və qətiyyətli addımlarını atacaq".

Deputat vurğulayıb ki, təəssüf ki, biz hər zaman zərbəni qonşu və dost bildiyimiz ölkələrdən almışıq:

"44 günlük Vətən müharibəsindən sonra bir çox ölkələrin əsil siması ortaya çıxdı. Eləcə də İranın. Bu gün də İranın ölkəmizə qarşı təxribatları davam edir. Özünü dünya müsəlmanlarının təəssübkeşi kimi qələmə verən fars, molla rejiminin dedikləri əməlləri ilə üst-üstə düşmür. Hazrda İran Azərbaycanda xain qruplar yaratmaqla sabitliyi pozmağa çalışır. Fazil Mustafaya olunan sui-qəsd və son günlər saxlanılan xain qruplar bunu bir daha sübuta yetirir. Ermənistan torpaqlarımızı işğal altında saxladığı müddətdə ərazilərimiz dağıdılıb, məhv edilib. İranın bu dağıdılma və talanetmə prosesində iştirakı məlumdur. Ermənistan kimi İranın da ölkəmiz üzərində qurduğu planlar suya düşəcək. Ermənistan və onun havadarları bilməlidir ki, Azərbaycan 90-cı illərin əvvələrində olduğu kimi sahibsiz və başsız deyil. Ölkəmizin 44 günlük Vətən müharibəsində adını tarixə qızıl həriflərlə yazdıran cənab prezident İlham Əliyev kimi ölkə başçısı var".

Aysel Yusifqızı

Telegramda izləyin