Bu "İnstagram" səhifələri AÇIQ-AŞKAR "patı" satır - FOTO

Son zamanlar xüsusilə gənclər arasında yayılan və "patı" adı ilə tanınan narkotik maddənin (metamfetaminin) Azərbaycanda əlçatanlığı həyacan təbilinin çalmasına səbəb olur. Narkotik aludəçilərinin sayının getdikcə artması, ölüm saylarının yüksəlməsi vəziyyətin tam ciddiliyini göstərir.

"Patı" mərkəzi sinir sistemini stimulyasiya edən, laborator şəraitdə hazırlanan tam sintetik narkotik maddədir. Əhali arasında metamfetaminin daha çox "patı" və "şüşə" kimi tanınmasının səbəbi isə həmin maddənin kimyəvi tərkibi və görünüşünün şüşə qırıntılarını xatırlatmasıdır.

Maraqlıdır ki, ölkə ərazisində narkotik maddələr sosial şəbəkələr vasitəsi ilə açıq şəkildə satılır. Vətəndaşların aşkar etdiyi və narkotik satışını təşkil edən sosial şəbəkə hesablarını idarə edən şəxslərin və yazışmalar vasitəsilə "kuryer"lərin aşkar edilməsi hüquq-mühafizə orqanlarının üzərinə düşür.

Sonxeber.az bildirir ki, mövzu illər öncə gündəmə gətirilsə də, hələ də aktuallığını saxlayır.

Daxili İşlər Nazirliyin mütəxəssisləri tərəfindən belə səhifələrə daim xüsusi texniki tədbirlərlə nəzarət edilir. Lakin həmin səhifələrin fəaliyyətinin qarşısını tam şəkildə almaq mümkün deyilmi?

Qeyd edək ki, bəzi hallarda sözügedən hesabların xaricdə yaşayan şəxslər tərəfindən idarə edilməsi məsələni çətinləşdirir.

Natəvan Baxşiyeva

Telegramda izləyin