Qardaşı Məhəmmədi xəstəxanadan çıxardı - VİDEO

3 saylı Uşaq Evində qalan Məhəmməd Hacıyevin qardaşı Əli onu xəstəxanadan çıxarıb.

BİG.AZ xəbər verir ki, bu barədə prodüser Tarix Əliyev məlumat verib.

"Bu gün səhər tezdən Əli çox həyəcanlı idi və qardaşını 1 saylı Psixiatriya Xəstəxanasından çıxarmaq istəyirdi. Düzdür, Məhbubə xanım (red. 3 saylı Uşaq Evinin direktoru Məhbubə Hüseynova) buna biraz əngəl yaradırdı və hətta Əliyə demişdi ki, onu yalnız sən çıxara bilərsən və açıqlama ver ki, qardaşımı xəstəxanadan çıxarmıram. Əlinin ürəyi dözmədi qardaşını oradan çıxardı".

Videonu BURADAN izləyə bilərsiniz.

Qeyd edək ki, bir neçə gün əvvəl Bakı şəhərinin Xətai rayonu, 3 saylı uşaq evində qalan yeniyetmə Məhəmməd Hacıyev həmin uşaq evi ilə bağlı şikayətini bildirərək müəssisədə uşaqlara quru çörək verildiyini deyib. Bundan sonra o, 1 saylı Psixiatriya Xəstəxanasına yerləşdirilib.

Telegramda izləyin