"Ermənilər tək Qafqaz üçün deyil, bütün dünya üçün də təhlükədir" - DEPUTAT

"İrəvan şəhərində 2023-cü il ağır atletika üzrə Avropa çempionatının açılış mərasimi zamanı vəhşilik törədilib, Azərbaycan bayrağı yandırıldı".

Bunu Sonxeber.az-a danışan deputat Müşfiq Cəfərov bildirib.

Deputat vurğulayıb ki, bu addım bir daha erməni xalqının və Ermənistan rəhbərliyinin əsl mahiyyətini üzə çıxartdı:

"Dünyanın gözü qarşısında bu kin nifaq nümayişi hər kəsi narahat etməlidir. Bu təkcə Azərbaycan hökumətinin deyil, yarışda iştirak edən bütün dövlətlərin mənfi münasibət bildirməsi gərəkən vəziyyətdir. Hələ ki, son günlər baş verənlərdən bir daha bütün dünya görür ki, Ermənistan Azərbaycana düşmənçilik nümayiş etdirir. Ermənistan hakimiyyəti beynəlxalq səviyyədə təşkil olunmuş bu tədbirə ev sahibliyi etməyə layiq deyil".

Deputat vurğulayıb ki, bütün beynəlxalq tədbirlərin İrəvanda keçirilməsinə veto qoyulmalıdır:

"Bu hər hansı ötəri yanaşılacaq məsələ deyil, indi Avropa da digər sülh tərəfdarları da sakit dayanmayıb, dünyada insan haqlarına, dövlət dəyərlərinə hörmət etməyən bu cəmiyyəti qəbul etməməlidir. Demək ki, Azərbaycan haqqında bəyənnamələr qəbul etməklə iş bitmir, indi Avropa Parlamentindən tutmuş bütün təşkilatlardan mövqe gözləyirik.

Biz göstərən də gözlərini yuman, səsimizi eşitdirmək istəyəndə qulaqlarını tutan beynəlxalq ictimaiyyət ermənilərin öz əməllərini gördülərmi? Ermənilər nəinki Qafqaz üçün, bütün dünya üçün də təhlükədir. Bu gün güvəndiyi qüvvələrin gücünə arxalanıb, Azərbaycan bayrağı yandıran toplum sabah güclənəndə demək daha başqa ölkələrin bayrağına hörmətsizlik edəcək. Ermənistanın beynəlxalq aləmdə söz deməyə heç bir haqqı olmamalıdır. Azərbaycan dövləti təbii ki, buna öz layiqli cavabını verəcəkdir. Bu hadisə 3-4 sivil şəxs tərəfindən deyil, birbaşa Ermənistan dövləti tərəfindən həyata keçirilib. Terrorçu hakimiyyətdən də ancaq bu mədəniyyət nümayiş oluna bilərdi".

Aysel Yusifqızı

Telegramda izləyin