Azərbaycan və Gürcüstan arasında müdafiə sahəsində əməkdaşlıq haqqında saziş imzalanıb

Azərbaycan və Gürcüstan müdafiə sahəsində əməkdaşlıq sazişi imzalayıb.

Sonxeber.az xəbər verir ki, Gürcüstanın müdafiə naziri Xuanşer Burçuladze Azərbaycanın müdafiə naziri Zakir Həsənovla görüşüb.

Azərbaycan Müdafiə Nazirliyinin bəyanatına görə Azərbaycan-Ermənistan sərhədində və Rusiya qüvvələrinin müvəqqəti nəzarətində olan Azərbaycan ərazilərində vəziyyət müzakirə edilib.

Regionda sülhün və təhlükəsizliyin təmin edilməsi, hərbi texnika və təlim sahələrində əməkdaşlıq barədə də danışan nazirlər Azərbaycan, Türkiyə və Gürcüstan arasında ikitərəfli və üçtərəfli hərbi əməkdaşlıq və birgə təlimləri müzakirə ediblər.

Görüşün sonunda Həsənov və Burçuladze "Azərbaycan Hökuməti və Gürcüstan Hökuməti arasında müdafiə sahəsində əməkdaşlıq haqqında Saziş"i imzalayıblar.

Burçuladze prezident İlham Əliyev tərəfindən də qəbul edilib.

Telegramda izləyin