"Qızılcadan qorunmağın ən effektiv yolu peyvənddir" - İnfeksionist həkim İbrahim Rufullayev - VİDEOMÜSAHİBƏ
"Qızılcadan qorunmağın ən effektiv yolu peyvənddir".
Bu sözləri infeksionist həkim İbrahim Rufullayev Sonxeber.az-a müsahibəsində deyib.
Həkim qeyd edib ki, peyvənd həm effektivlik baxımından daha yaxşı nəticə verir, həm də digər tədbirlərə xərclənən vəsaitdən daha ucuz başa gəlir:
"İnfeksion xəstəliklərdən qorunmaq üçün bu xəstəliyin hansı yolla yayıldığını bilmək lazımdır. Qızılca hava-damcı yolu ilə yayılır. Ondan qorunmaq üçün iki yol var: Peyvənd və olduğumuz yerdə gigiyenik tədbirlərə riayət etmək. Gigiyenik tədbirlərə Covid dönəmində bu mədəniyyətin yaranmasına vadar edən maska taxmaq, əl yumaq, ictimai yerlərdə ara məsafəsi saxlamaq, otağın havasını tez-tez dəyişdirmək daxildir. Bizim milli peyvənd təqvimində qızılca da öz yerini alır. Bir yaşdan 1-ci doza, 6 -7 yaşlarda 2-ci doza vaksin olur. Qızılca vaksini üçlü formadadır. Hansı yol daha effektivdir deyə müqayisə aparsaq, peyvəndi seçmək lazımdır. Peyvənd həm effektivlik baxımından daha yaxşı nəticə verir, həm də digər tədbirlərə xərclənən vəsaitdən daha ucuz başa gəlir".
O vurğulayıb ki, qızılcanın ağırlaşması pnevmoniya, orta qulağın iltihabı, nevroloji ağırlaşmaya səbəb ola bilər.
Şəbnəm Lətifi
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş