"Nüvə müharibəsinə hazırlıq gedir?.."

ABŞ Ukraynaya atom silahının tətbiq edilməsindən yaranan radiasiyanı qeydə alan avadanlıq verib

"Bu sensorlar nüvə partlayışının yerini, gücünü və nəticələrini müəyyən etmək qabiliyyətinə malikdir..."

"Bunlar həm də Rusiyanı Ukraynada atom silahını gizli olaraq tətbiq etmək, Kiyevi və ya Qərb ölkələrini bunda ittiham etmək imkanından məhrum edəcək..."

Rusiyanın rəsmi şəxslərinin atom silahının tətbiqi ilə təhdid etdiyi bir zamanda ABŞ Ukraynaya nüvə partlayışlarını müəyyən edən avadanlıq verib.

Moderator.az xəbər verir ki, bu barədə ABŞ Energetika Nazirliyi yanında Milli Nüvə Təhlükəsizliyi İdarəsinə istinadən "The New York Times" nəşri məlumat yayıb.

Məlumatda deyilir ki, Kiyev nüvə silahı və ya çirkli bombadan yaranan radiasiyanı qeydə almaq və hücumu törədəni identifikasıya etmək qabiliyyətinə malik olan sensorlar əldə edib.

Bu avadanlıq Rusiya rəhbərliyinin hər halda atom bombasını tətbiq etməyə qərar verəcəyi halda Rusiyanın günahını sübut etməyə imkan verəcək.

Güman edilir ki, sensorlar şəbəkəsi "bütün region boyunca" yerləşdiriləcək.

İddia edilir ki, onlar "nüvə partlayışının yerini, gücünü və nəticələrini müəyyən etmək" qabiliyyətinə malikdir.

Hal-hazırda amerikalı mütəxəssislər bu radiasiya sensorlarının montaj edilməsinə cəlb edilib, onlar həmçinin ukraynalı həmkarlarını bu avadanlıqla işləməyi öyrədir.

Son bir il ərzində Rusiya rəhbərliyi, o cümlədən Vladimir Putin dəfələrlə atom silahından istifadə edəcəyi ilə təhdid edib.

"Böyük yeddilik" ölkə liderləri Ukraynanın əkshücuma başlayacağından sonra Rusiyanın nüvə şantajının güclənməsini gözləyir.

Təhdidlərlə yanaşı, Kreml ittihamedici ritorikadan da istifadə edib. Rusiya nümayəndələri dəfələrlə bəyan edib ki, Ukrayna nüvə silahının tətbiq edilməsilə təxribatlar hazırlayır.

ABŞ-ın verdiyi radiasiya sensorları Rusiyanı gizli olaraq Ukraynada atom silahını tətbiq etmək və Kiyevi və ya Qərb ölkələrini bunda ittiham etmək imkanından məhrum edəcək.

Əgər Ukraynada nüvə fəlakəti baş verərsə, alimlərin təhlili tez bir zamanda ABŞ hökumət orqanlarına təqdim ediləcək", - amerikalı ekspertlər bəyan edib.

Moderator.az

Telegramda izləyin