Rusiya Azərbaycan və Ermənistan arasında danışıqların Amerika vasitəsilə keçirilməsindən narahatdır

Rusiya Xarici İşlər Nazirliyinin sözçüsü Mariya Zaxarova Azərbaycan və Ermənistan arasında ABŞ-da keçirilən xarici işlər nazirləri danışıqlarını şərh etməkdən imtina edib, çünki bu danışıqlar Rusiyanın iştirakı olmadan aparılır.

Sonxeber.az xəbər verir ki, Zaxarova mətbuat üçün keçirdiyi brifinqdə tərəflərin açıqlamaları olanda Moskvanın öz fikrini bildirəcəyini deyib.

O, üçtərəfli sazişlərin həyata keçirilməsinin vacibliyini bir daha vurğulayıb.

"Biz Rusiya, Azərbaycan və Ermənistan liderləri arasında 2020-2022-ci illərdə əldə edilmiş üçtərəfli razılaşmaların bütün şərtlərinin yerinə yetirilməsinə sadiq qalırıq" ,- deyə Zaxarova qeyd edib.

Ermənistan və Azərbaycan xarici işlər nazirləri arasında Rusiyada planlaşdırılan görüşün perspektivlərinə gəlincə, Zaxarova qeyd edib ki, həm Yerevan, həm də Bakı belə görüşə hazır olduqlarını bildiriblər.
"Vaxt barədə sonra məlumat verəcəyik", - deyə Zaxarova əlavə edib.

Qeyd edək ki, mayın 1-də Vaşinqtonda Azərbaycan və Ermənistan xarici işlər nazirləri arasında görüş keçirilib. ABŞ-nin dövlət katibi Entoni Blinken Azərbaycan-Ermənistan arasında sülh prosesində Rusiyanın vasitəçiliyinin azalmasını istədiyini bildirib.

Şəbnəm Lətifi

Telegramda izləyin