Serbiyada məktəb qətliamında ölənlərin siyahısı açıqlanıb

Serbiyada məktəbə hücumdan sonra ölkədə üç günlük matəm elan edilib. Valideynlər nazirliyə etiraz olaraq küçələrə axışıblar.
Serbiya məktəbə hücumdan şoka düşüb.

Sonxeber.az xəbər verir ki, paytaxt Belqradda məktəbə hücumda 8 şagird və bir mühafizəçi həyatını itirib.

Serbiyada 3 günlük matəm elan edilərkən, özünü xəbər verən hücumçu hadisənin təfərrüatlarını polislə bölüşüb.

Ölüm siyahısında olan tələbələri güllələyib

Məlum olub ki, məktəb planı və öldürdüyü şagirdlərin siyahısı olan 13 yaşlı təcavüzkar bir aydır ki, aksiyanı planlaşdırırmış.

Hücum edən şəxs 2 tapança və 4 molotov kokteyli ilə məktəbə daxil olub.

O, əvvəlcə mühafizəçinin və növbətçi tələbənin olduğu partaya atəş açıb, daha sonra sinif otağına daxil olaraq hazırladığı ölüm siyahısında olan tələbələri güllələyib.

Hücumun səbəbi hələlik məlum deyil.

Serbiya Cinayət Məcəlləsinə əsasən, 13 yaşı olan və cinayət məsuliyyəti daşımayan aqressiv tələbə psixiatriya mərkəzində müalicə olunacaq.

6 şagird və bir müəllimin yaralandığı hücumdan sonra məktəbin girişində xatirə bölməsi yaradılıb.

Hücumda həyatını itirənlərin xatirəsinə məktəbin qarşısında şamlar yandırılıb, gül dəstələri qoyulub.

Valideynlər də Serbiya Təhsil Nazirliyinə yürüş edərək etiraz aksiyası keçiriblər.

Telegramda izləyin