Misirdə qəza nəticəsində 14 nəfər ölüb

Misirin qərbindəki Yeni Vadi bölgəsində sərnişin avtobusunun yük maşını ilə toqquşması nəticəsində baş verən qəzada 14 nəfər həyatını itirib, 25 nəfər yaralanıb.

Sonxeber.az xəbər verir ki, Misirin qərbində Yeni Vadi bölgəsində Assuit-Xarqa magistral yolunda sərnişin avtobusu yük maşınına çırpılıb.

Hadisə yerinə polis və çoxlu sayda təcili yardım maşınları göndərilib. Region qubernatoru Məhəmməd əl-Zamlutun verdiyi açıqlamaya görə, dəhşətli qəzada 14 nəfər ölüb, 25 nəfər yaralanıb.

Sərnişin avtobusunda 45 nəfərin olduğu və hədəfin paytaxt Qahirə olduğu öyrənilib.

Qəzanın səbəbi hələlik məlum olmasa da, hadisə ilə bağlı araşdırmalara başlanılıb.

Telegramda izləyin