Bu ölkə beynəlxalq uçuşlarda bütün COVID-19 məhdudiyyətlərini ləğv etdi

Venesuelanın aviasiya nazirinin müavini Freddi Borxes COVID-19 pandemiyası ilə əlaqədar beynəlxalq uçuşlara qoyulan bütün məhdudiyyətlərin götürüldüyünü açıqlayıb.
O, bu barədə "Venezolana de Televisión" dövlət telekanalının efirində bildirib.
Borxes qeyd edib ki, bu qərar Ümumdünya Səhiyyə Təşkilatının baş direktoru Tedros Adhanom Qebreyesusun dünyada 2020-ci ildən qüvvədə olan COVID-19-a görə fövqəladə vəziyyət rejiminin sona çatdığını elan etməsindən sonra verilib.
"Biz pandemiya ilə bağlı səhifəni çevirdik", - deyə o bildirib.
Borxes xatırladıb ki, əvvəllər sərnişinlərdən "COVID-19-a qarşı peyvəndlərin tam dövrü sertifikatı və ya uçuşa 48 saat qalmış mənfi test nəticəsi" tələb olunurdu. Borges həmçinin əlavə edib ki, "beynəlxalq sərnişin hava nəqliyyatı pandemiyadan ciddi şəkildə təsirlənib və Venesuela bu günə qədər yalnız 40 faiz sağalıb".

Avropa.info

Telegramda izləyin