Meksikada saxlanılan 40 miqrant xilas edilib

Meksikanın şimalında insan qaçaqmalçıları tərəfindən zorla saxlanılan 40 immiqrant polis əməliyyatı ilə xilas edilib.

Sonxeber.az xəbər verir ki, Meksika mətbuatında çıxan xəbərə görə, bir hesabatı qiymətləndirən təhlükəsizlik qüvvələri Nuevo əyalətində saxlanılan immiqrantları xilas etmək üçün işlərə başlayıb.

Meksikanın müdafiə naziri Luis Cresencio Sandoval cinayət təşkilatlarının əlində olduğu aşkarlanan 40 miqrantın xilas edildiyini bildirib.

5-i uşaq olmaqla immiqrantların Venesuela, Honduras, Braziliya, Haiti və Salvadordan olduğu bildirilib.

Səlahiyyətlilər, insan qaçaqmalçılarının immiqrantları azad etmək üçün bir şərt olaraq adambaşına 1500 dollar tələb etdiklərini açıqladı.

Qeyd olunub ki, miqrantlar avtobusda ABŞ sərhədinə gedərkən Matehuala şəhərinin magistral yolunda naməlum şəxslər tərəfindən qaçırılıb.

Meksikadakı bir çox mühacir daha yaxşı həyat ümidi ilə ABŞ-a qaçmaq istəsələr də, dəstələrin və mütəşəkkil cinayət qruplarının əlinə keçirlər. Mərkəzi Amerika ölkələrindən çoxlu mühacir Qvatemala və Meksika vasitəsilə ABŞ-a çatmağa çalışır.

Telegramda izləyin