Ukraynalı pilotların F-16 təliminə başlanılıb

Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell Ukrayna pilotlarının Polşa da daxil olmaqla bir sıra ölkədə F-16 təlimlərinə başladığını açıqlayıb.

Sonxeber.az xəbər verir ki, Avropa İttifaqının müdafiə nazirləri Ukrayna gündəminə dair Brüsseldə toplanır. Aİ-nin xarici əlaqələr və təhlükəsizlik siyasəti üzrə ali nümayəndəsi Josep Borrell iclasın girişində jurnalistlərə açıqlama verib. Borrell Ukrayna pilotlarının F-16 döyüş təyyarələrini idarə etmək üçün təlimlərə başladığını açıqlayıb.

"F-16 təhsilinin nəhayət bir neçə ölkədə pilotlara verilməyə başlaması məni sevindirdi. Bu, vaxt aparacaq, amma nə qədər tez o qədər yaxşıdır" ,- deyə Borrel bildirib.

Pilotların hansı ölkələrdə təlimə başladığı ilə bağlı sualı cavablandıran Borrell "Məsələn, Polşada" deyib. Borrell Aİ ölkələrinin Avropa Sülh Fondu çərçivəsində Ukraynaya 10 milyard avroluq hərbi yardım etdiyini də vurğulayıb.

Bu arada ABŞ prezidenti Co Bayden Yaponiyanın Xirosima şəhərində keçirilən G7 Liderlərinin Sammitində ABŞ-ın F-16 da daxil olmaqla dördüncü nəsil döyüş təyyarələrində ukraynalı pilotlara təlim keçmək üçün birgə səyləri dəstəkləyəcəyini bildirib.
"Önümüzdəki aylarda təlimlər davam etdikcə, biz müttəfiqlərimizlə birlikdə nə vaxt, kim tərəfindən və neçə təyyarənin çatdırılacağını müəyyənləşdirəcəyik" ,- deyə ABŞ-ın milli təhlükəsizlik üzrə müşaviri Ceyk Sullivan bildirib.

Telegramda izləyin