Vaxtı keçmiş şokoladlardan dondurma hazırlanır? - AÇIQLAMA

Yaz-yay mövsümünün başlaması ilə əlaqədar böyükdən kiçiyə hər kəs ağız dadını dəyişmək üçün dondurma almağa tələsir. Bu mövsümü dondurmasız təsəvvür etmək mümkün deyil.

Bəs dondurmanın insan oqaniziminə nə kimi faydası və ziyanı var?
Dondurmanın tərkibində protein, karbohidrat, yağ kimi maddələrlə birlikdə A, D, E, C, və B qrupu vitaminlər, həmçinin maqnezium, fosfor, sodium, potasium, dəmir və sink kimi minerallar olduğu üçün orqanizmə xeyri böyükdür.

Bəs ziyanı?
Hazırda marketlərdə qiyməti 30 qəpikdən tutmuş 50 manatadək olan müxtəlif çeşiddə dondurma satılır. Dondurmaların qiyməti ilə yanaşı onların keyfiyyəti də maraqlıdır.

Cəmiyyətdə dondurma ilə bağlı bəzi neqativ fikirlər formalaşıb ki, bunlardan biri neçəsi diqqətimizi çəkdi.
Deyilənə görə yay fəslinin əvvəlində dondurma yemək düzgün deyil. Səbəbi isə, onların keçən ildən qalmasldlr.

Bir neqativ fikir isə şokoladlı dondurmalarla bağlıdı. Düşünülür ki, dondurmalarda istifadə olunan şokolad maqazinlərdə vaxtı keçmiş şokoladlardır.

Biz də BiG.AZ olaraq mövzuya aydınlıq gətirmək üçün Azad İstehlakçılar Birliyinin (AİB) sədri Eyyub Hüseynovla əlaqə saxladıq.

Eyyub Hüseynov bildirdi ki, dondurma istehsal edən müəssisələr qış aylarında ayrı rejimə keçirlər. Yalnız bəzi restoranların, kafelərin tələbatına uyğun olaraq açıq dondurmalar istehsal edirlər.Ümumən normal standarta uyğun müəssisələr qış aylarında işçilərini məzuniyyətə buraxırlar.
Yanvar ayında dondurma istehsal edib üzərində aprel ayında yazmaq əlbəttə ki, yol verilməzdir. Dövlət orqanları o cümlədən, Qida Təhlükəsizlik Agentliyi belə halları ifşa edir və onlar cərimələnirlər.
Lakin ölkədə 20- dən çox dondurma istehsalçısı var. İstisna olunmur ki, bəzi dondurma istehsalçıları o cür etsinlər. Bu qanuna ziddir. Baxmayaraq ki, dondurma dondurucuda lazımı qaydada saxlanıldıqda təhlükəsiz olur, amma yenə də istehsal tarixini dəyişib , markalaşdırıb saxlamaq və ya belə formada satışa çıxarılması qanuna ziddir. Əlbəttə o cür dondurmalar arzu olunmaz dondurmalar hesab olunur.

Eyyub Hüseynov eyni zamanda köhnəlmiş şokoladlardan hazırlandığı deyilən dondurmalarla bağlı məsələyə də aydınlıq gətirib:

"İstisna olunmur ki, kakaolu dondurmaların hazırlanmasında neqativ hallar olmasın. Mümkündür ki, piştaxtalarda vaxtı keçmiş şokoladlar bəzi qeyri- ciddi dondurma istehsalçılarına tərəf ötürülsün"

Atalar elə burda deyib: "Yalan olmaz el deyən"

Odur ki, dondurma yeməyə tələsməyin...

Telegramda izləyin