Sudanda uşaq evində 11 uşaq baxımsızlıqdan ölüb

Sudanda uşaq evində 11 uşaq baxımsızlıqdan ölüb.

Sonxeber.az xəbər verir ki, Sudandakı səhiyyə mənbələrindən alınan məlumata görə paytaxt Xartumdakı uşaq evində 11 uşaq həyatını itirib.

Aprelin ortalarından bəri ordu ilə hərbiləşdirilmiş Çevik Dəstək Qüvvələrinin (HDK) döyüşdüyü paytaxt Xartumda elektrik enerjisinin kəsildiyi uşaq evində 11 uşaq həyatını itirib.

Milli mətbuat bəzi baxıcıların qarşıdurmalara görə qaçdığını, buna görə də səhiyyə xidmətinin göstərilə bilmədiyi, ölümlərin qidalanma və tez-tez elektrik kəsilməsi səbəbindən baş verdiyini yazıb.

Həyatını itirən uşaqlar məhəllə sakinlərinin dəstəyi ilə bölgədəki qəbiristanlıqda torpağa tapşırılıb.

Beynəlxalq mətbuata açıqlama verən tibb işçisi yalnız mayın 26-da uşaq evində 13-ə yaxın körpənin öldüyünü açıqlayıb.

Ordu bir vaxtlar dəstəklədiyi, lakin müstəqil və paralel ordu kimi fəaliyyət göstərdiyi üçün təhlükə hesab etdiyi HDK-nın 2 il ərzində tam şəkildə orduya inteqrasiyasını istəyirdi.

Bir milyondan çox insanın ölkə daxilində didərgin düşdüyünü bildirən Birləşmiş Millətlər Təşkilatı 300 min insanın münaqişələr səbəbilə qonşu ölkələrə qaçdığını açıqlayıb.

Ümumdünya Səhiyyə Təşkilatı (ÜST) Sudanda davam edən münaqişə nəticəsində 850 nəfərin həyatını itirdiyini, 5500 nəfərin isə yaralandığını bildirib.

Mayın 29-da tərəflərin atəşkəs rejiminin daha 5 gün uzadılması ilə bağlı qərarına baxmayaraq, Sudanda qarşıdurmalar davam edir.

Telegramda izləyin