Yaponiyada "Mavar" tayfunu səbəbindən 263 aviareys təxirə salınıb

Yaponiyada Mavar tayfunu səbəbindən ən azı 263 uçuş ləğv edilib, minlərlə insan təxliyəyə çağırılıb. Okinava bölgəsində 10 nəfər yaralanıb.

Sonxeber.az xəbər verir ki, Sakit okean bölgəsində təsirli olan "Mavar" tayfunu Yaponiyanın müxtəlif bölgələrində güclü yağışlara və küləyə səbəb olub. Bir çox bölgələrdə, xüsusilə Şizuoka, Aiçi, Vakayama, Mie, Fukusima, Şizuoka, Saitama, Okinava və İbaraki əyalətlərində daşqınlar baş versə də, yerli hakimiyyət riskli ərazilərdə minlərlə insanı təxliyə etməyə çağırıb. Okinava əyalətində güclü külək səbəbiylə meydana gələn qəzalarda 10 nəfərin yaralandığı açıqlansa da, əlverişsiz hava şəraiti nəqliyyata da təsir edib. Ən azı 263 reysin ləğv edildiyi ölkədə güclü yağışlar səbəbilə Tokaido Şinkansen dəmir yolu xəttində bütün sürətli qatarların hərəkəti dayandırılıb. Ölkə daxilində bir çox yerli qatar xəttində də gecikmələr baş verib.

Yaponiya Meteorologiya Təşkilatı (JMA), ölkə daxilində müşahidə edilən mənfi hava şəraitinin sabaha qədər təsirli olacağını açıqlayaraq, şiddətli yağışın səbəb ola biləcəyi torpaq sürüşmələri və daşqınlara qarşı hazır olmağa çağırıb.

Telegramda izləyin