İndoneziya "qızıl viza" proqramına başlayıb

İndoneziya hökuməti ölkəni işləmək üçün daha cəlbedici etmək məqsədi daşıyan "qızıl viza" proqramına başlayacağını açıqlayıb.

Sonxeber.az xəbər verir ki, turizm naziri Sandiaga Uno "qızıl viza" proqramının ölkəyə daha çox xarici işçi və investor cəlb etmək üçün bir irəliləyiş ola biləcəyini deyib.

Ölkəni işləmək üçün daha cəlbedici etmək məqsədi daşıyan müraciət çərçivəsində əcnəbilərə 10 ilə qədər oturma icazəsi verilə biləcəyini ifadə edən Uno, texniki detalların hələ dəqiqləşdirilmədiyini açıqlayıb.

"Qızıl viza rəqəmsallaşma, səhiyyə, tədqiqat və texnologiya sahələrində keyfiyyətli istedadları cəlb etmək üçün tezliklə başlayacağımız yeni bir proqramdır. Bu proqram rəqəmsal köçərilər və sahibkarlar kimi daha çox əcnəbini sərmayə qoymağa cəlb etməklə yeni zəmin yaradacaq" ,- deyə o bildirib.

İndoneziya Yeni il ərəfəsində "ikinci ev" viza proqramını təqdim edib.

İkinci ev vizası proqramı əcnəbilərə vizası olduqda və bank hesablarında və ya İndoneziyadakı dəbdəbəli əmlaklarında təxminən 130.000 ABŞ dolları olduğunu sübut edə bilsələr, 10 ilə qədər yaşamaq icazəsi üçün müraciət etməyə imkan verir.

Telegramda izləyin