ABŞ-də iki həftədə 30 uşaq itkin düşüb

ABŞ-də polis rəsmiləri may ayının ilk iki həftəsində Klivlenddə iyirmidən çox uşağın itkin düşdüyünü bildirərək, bölgədəki yoxa çıxma dalğası ilə bağlı həyəcan təbili çalıb.

Sonxeber.az xəbər verir ki, Nyuburq Heights polis rəisi Con Macoy mayın 2-dən 16-a qədər ən azı 27 uşağın itkin düşdüyünü bildirib.

Klivlend İtkin Təşkilatının İdarə Heyətinin sədri vəzifəsini də icra edən polis rəisi 2023-cü ilə qədər 12-17 yaşlı uşaqların yoxa çıxmasının görünməmiş səviyyələrə çatacağı ilə bağlı xəbərdarlıq edib.

May ayının ortalarına olan məlumata görə, Klivlenddə ümumilikdə 56 aktiv itkin uşaq hadisəsi olub.

Majoy 33 illik karyerasında heç vaxt bu qədər çox itkin uşaq görmədiyini vurğulayıb.

Majoy əlavə edib ki, gənclər ümidsizliyə düşəndə ​​dəstələrə qoşulub, bədənlərini satıblar və ya qorunmaq üçün narkotik vasitələrdən istifadə ediblər ki, bu da onların avtomobil oğurluğu və soyğunçuluq kimi cinayətlərə başlamasına səbəb olub.

Klivlenddə və Ohayo ştatının şimalındakı digər ərazilərdə artan itkinlərlə mübarizə aparmaq üçün ABŞ Hüquq-Mühafizə Xidməti may ayında "Biz sizi tapacağıq" əməliyyatına başlayıb.

Telegramda izləyin