Paşinyanın oğlunu qaçırmağa cəhddə şübhəli bilinən şəxs vəkillərindən imtina edib

Ermənistanın Baş naziri Nikol Paşinyanın oğlu Aşot Paşinyanı oğurlamağa cəhddə şübhəli bilinən qadın vəkillərindən imtina edib.

Sonxeber.az xəbər verir ki, bu barədə erməni mətbuatı məlumat yayıb.

Aşot Paşinyanın oğurlanmasına cəhddə təqsirləndirilən qadın Qayane Akopyanı müdafiə edən vəkil Georgi Məlikyan jurnalistlərə bildirib ki, bu, müvəkkilinin istəyi idi, onun qərarına hörmət edir.
"Bu addım Akopyanın günahını etiraf edəcəyi anlamına gələ bilərmi?" sualına Melikyan belə cavab verib:
"Bəlkə sizin fərziyyəniz doğrudur, amma biz belə bir söz deməmişik".

Akopyanı təmsil edən digər cinayət işi üzrə müdafiəçi Hovsep Sarkisyan bildirib ki, onların məhkəməyə verdiyi ən son vəsatət həbsdə olan müvəkkilinin zaminə buraxılması ilə bağlıdır.
"Məhkəmə yeni vəkil təyin etmək üçün tədbirlər görür, bizim artıq bu işdə onu təmsil etmək səlahiyyətimiz yoxdur", - deyə Sarkisyan əlavə edib.

Vəkillər həmçinin bildiriblər ki, Aşot Paşinyanın qapalı keçirilən məhkəmə iclasında verdiyi ifadədə mövqeyi dəyişib, lakin yenə də ətraflı məlumat verməyiblər.

Qeyd edək ki, İkinci Qarabağ müharibəsi zamanı öldürülən erməni əsgərin anası Akopyan mayın 17-də Aşot Paşinyanı qaçırmağa cəhddə şübhəli bilinərək saxlanılıb.

Şəbnəm Lətifi

Telegramda izləyin