"Şəffaflıq və dürüstlük hər bir dövlət məmurunun həyat tərzi olmalıdır" - DEPUTAT

"Cənab prezident İlham Əliyevin hər bir sahədə apardığı uğurlu siyasət nəticəsində 44 günlük Vətən müharibəsində möhtəşəm qələbə qazanaraq öz gücümüzə ərazi bütövlüyümüzü bərpa etdik".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, bu gün bəzi məmurlar yarıtmaz fəaliyyətləri ilə dövlətimizin uğurlu siyasətinə kölgə salmağa çalışırlar.

"Cənab prezident İlham Əliyev hər dəfə öz çıxışlarında səlahiyyətlərindən sui-istifadə edən məmurlara xəbərdarlıq edib:

"Dövlət başçısı İlham Əliyevin atdığı uğurlu addımların, dövlətə və millətə fədakar xidmətinin fonunda bəzi məmurların yol verdiyi ciddi nöqsanlar vətəndaşlarda süni narazılıq yaradır. Cənab prezident İlham Əliyev ölkə başçısı seçildiyi gündən bu günə qədər ölkəmizin inkişafı və xalqımızın firəvan yaşaması üçün həddən artıq çox işlər görüb. Xüsusilə ilə də regionların inkişafı üçün. Cənab prezident İlham Əliyev hər zaman çıxışlarında bildirib ki, məmurlar, dövlət qurumlarının nümayəndələri xalqla bir yerdə olmalıdırlar, onların qayğıları ilə yaşamalıdırlar, kobudluğa, yekəxanalığa yol verilməməlidir. Bir sözlə şəffaflıq və dürüstlük hər bir dövlət məmurunun həyat tərzi olmalıdır. Amma təəssüf ki, bu gün də öz səlahiyyətlərindən sui-istifadə edən, süründürməçiliyə və korrupsiya yol verən məmurlar hələ də mövcuddur. Hər zaman cənab prezident İlham Əliyev çıxışlarında bu cür məmurlara xəbərdarlıq edib. Ölkə başçısının xəbərdarlığından nəticə çıxarmayan şəxslər nəyinki öz vəzifələrindən vidalaşıblar, hətta yol verdikləri qanun pozuntularına məsuliyyətə cəlb ediblər. Əminəm ki, struktur islahatları bundan sonra da davam edəcək və dövlətin uğurlarına kölgə salmağa çalışan hər bir məmur qanunla sərt şəkildə cəzalandırılacaq".

Aysel Yusifqızı

Telegramda izləyin